WAVES 2025: तरुणांच्या स्वप्नांना दिलेले जागतिक व्यासपीठ

मुंबई -4/05/2025  रोजी  होणारे WAVES summit म्हणजे केवळ एक औपचारिक संमेलन नाही, तर तरुणांच्या आकांक्षा, कल्पकता आणि कलेला दिलेला एक हृदयस्पर्शी आदर आहे. आजच्या तरुणाईच्या मनात असलेली कलाकाराची आग, तंत्रज्ञानाच्या साहाय्याने जग बदलण्याची जिद्द, आणि आपल्या कामाने संपूर्ण विश्वाला भारावून टाकण्याचे स्वप्न — हे सर्व या संमेलनात केंद्रस्थानी आहे.या संमेलनामुळे भारतातल्या प्रत्येक कोपऱ्यातील तरुणाला एक संदेश मिळतो: "तुझी कला, तुझी कल्पना, आणि तुझं स्वप्न आता फक्त तुझंच नाही; जग त्याची वाट पाहत आहे." मुंबईसारख्या स्वप्ननगरीत, जिथे प्रत्येक पावलागणिक कुणाचं तरी स्वप्न आकार घेतं, तिथे WAVES summit हे नवतारुण्याच्या आशा अधिक बहरवणारे ठरत आहे.Where is Waves Summit 2025?वेव्हज २०२५ चे यजमानपद कोणता देश भूषवत आहे?

             गेमिंग, अ‍ॅनिमेशन, फिल्म, संगीत, डिजिटल मिडिया – ही फक्त करिअरची साधने नाहीत; या क्षेत्रांमध्ये भावनांना रंग, स्वप्नांना आवाज आणि विचारांना आकाश मिळतं. WAVES summit याच क्षेत्रांना एकत्र आणून एक असा मंच तयार करत आहे, जिथे तरुण केवळ शिकत नाही, तर शिकवतो, शोधत नाही तर निर्माण करतो.

         या summit द्वारे IICT (Indian Institute of Creative Technology) ची स्थापना ही तरुणांच्या भविष्याची पायाभरणी आहे. जिथे गरीब-श्रीमंत, शहर–गाव असा कुठलाही भेद न करता प्रत्येक सर्जनशील मनाला संधी मिळणार आहे.  

           आज जेव्हा देशातील एक तरुण आपल्या मोबाईलच्या कॅमेऱ्यातून एखादी शॉर्ट फिल्म तयार करतो, एखादी बिट तयार करतो, किंवा गेमची कल्पना रेखाटतो — तेव्हा त्याला हसणाऱ्या नजरा नाही, तर WAVES summit सारखं एक व्यासपीठ हवं असतं, जे म्हणतं: “हो, आम्ही तुझ्यावर विश्वास ठेवतो.”

         WAVES 2025 हे त्या सगळ्या तरुणांसाठी आहे जे स्वतःवर विश्वास ठेवतात. हे एक निमंत्रण आहे — कल्पनाशक्तीच्या पलीकडच्या जगात उडी घेण्याचं, आणि तिथून भारताला पुढे नेण्याचं.

          कारण स्वप्नं फक्त बघायची नसतात, ती घडवायची असतात. आणि WAVES 2025 त्यासाठीचा पुढचा मोठा टप्पा आहे.

Waves summit 2025

Which country is the host of Waves 2025?